A :
1. tirikaṉtam : berkunetakam : tokoitoskue : sarnikio : kue : sua : kombalkez : nelitom
2. nekue[ : ]t̲o̲[.]ertaunei : litom : nekue : taunei : litom : nekue : masnai : tizaunei : litom : soz : auku
3. ares̱tas̲o̲ : tamai : uta : oskuez : stena : uerzoniti : silabur : sleitom : konskilitom : kabizeti
4. kantom : sankilistara : otanaum : tokoitei : eni : uta : oskuez : boustomue : koruinomue
5. makasi[.]mue : ailamue : ambitiseti : kamanom : usabituz : ozas : sues : sailo : kusta : bizetuz : iom
6. asekati[..]mbitinkounei : stena : es : uertai : entara : tiris : matus : tinbituz : neito : tirnkantam
7. e̲n̲i : oi̱satuz : iomui : listas : titas : zizonti : somui : iom : arznas : bionti : iom : kustaiko|s
8. arznas̱ : kuati : ias : ozias : uertatosue : temeiue : robiseti : saum : tekametinas : tatuz : somei
9. enitouzei : iste : ankios : iste : esankios : uze : areitena : sarniki : ei : akainakubos
10. nebintoṟ : tokoitei : ios : ur : antiomue : auzeti : aratimue : tekam̲ : etam : ṯa̱tuz : iom : tokoitoskue
11. sarnik̲i̲okue : aiuizas : kombalkores : aleites : iste : ik̲u̲es : ruzimuz : abulu : ubokum

B :
1. lubos : kounesikum : melmunos : bintis : letontu : litokum
2. abulos : bintis : melmu : bara̲u̱z̲anko : lesunos : bintis
3. letontu : ubokum : turo : bintis : lubinaz : aiu : berkantikum
4. abulos : bintis : tirtu : aiankum : abulos : bintis : abulu : louzokum
5. useizunos : bintis : akainaz : letontu : uikanokum : suo̱stuno-
6. s : bintis : tirtanos : statulikum : lesunos : bintis : nouantub̲o̲s
7. letontu : aiankum : melmunos : bintis : useizu : aiankum : tauro
8. keṉtis : abulu : aiankum : tauro : bintis : letontu : letikum : abulos : bintis
9. [-2/3-]u̱kontaz : letontu : esokum : abulos : bintis