Incipe luctificos anima perculsa dolore
et gemibunda tuos concine maesta modos.
concute singultu pectus, dic funus am(arum)
et salso geminas perlue rore genas.
non hic terrena deflentur carmine damna,
non caro, non sanguis, non periturus amor;
plangitur en pietas probitas prudentia sancta
et pudor et gravitas et bona cuncta simul.
omnibus his opibus quondam Basilla referta
transiit e mundo, vivat ut ipsa deo.
quis, Basilla, tua condigne promere gesta
virtutesque tuas enumerare queat?
tu privata viro primaevo flore iuventae
ad Christum celeri religione venis.
m [---]
[---] g [---]
a [---]
[---]
n [---]
[---] a [---] g [---]
n [---]
u [---] i [---]
q [---] paravit
[---] hin(c) veterana cupit.
n(ulla tuos umquam su)p(eras)set femina mores :
(semper ama)ta bonis, maxima semper eris.
a(uxiliare tu)is, (nunc te) Pomponia quaeso,
(astri)s emeritis auxiliare tuis ;
s(it) tibi perplacidum, quod te programmate signo,
quodque loquor breviter sit tibi perplacidum.

Lectura dada por MGH (1905 : XXII).